Näbscht üsne Texte hei mir no es Jass-Set kreiert. Natürlech o zum Thema Bärn.
Es si Jasscharte,
gschtautet im Bärn-Schtiu. Natürlech sis Französischi Charte! Welä Bärner oder weli Bärnerin würd scho mit
de Dütsche Charte schpyle? Aber mir meine ja nume...
Bir Härschteuig achte mir uf
Nachhautigkeit. Drmit me d Charte cha recycle, si si äxtra nid plastifiziert. U natürlech wärde si fair ider Schwiz druckt.
Gfauts Dir? Es würd üs sehr fröie, we Du es Set würdisch bschteue.
Drmit mir Dir ds Set zumene faire Pris
chöi abiete, isch üse Gwinn zimlech chly. Drum gits zwe Prise.
Dä zuesätzlech Füfliber vom Gönnerpris geit aus chlyne Gwinn uf üses Konto.
D Agabe für d Zahlig teile
mir Dir im ne Beschtätigungsemail mit. Es paar Tag schpeter isches när i Dim Briefchaschte.
Bitte due beachte, dass Du mitem Abschicke vore Bschtellig outomatisch üsne AGB zueschtimmsch.
D Jasscharte vo
Bärndütsch
chame nid nume über üsi Websyte bschteue, si wärde o ihde fougende Läde u Kafis z Bärn verchouft.
Chat-Noir AG
Bern Tourismus - Tourist Information
Museum für Kommunikation
Sinwel Buchhandlung
Cinq étoiles
Du Nord
Apfelgold
WerkStadt Lorraine
Sürprisen GmbH
OHNI GmbH
POIMIA
Foodathome.ch GmbH
Portner AG
Es würd üs fröie, we Du o dert mau ufnes Bsüechli verby geisch!
Du hesch e Firma u suechsch no z passende Firme-, Wärbe- oder Wiehnachtsgschänk? Mir hätte da e Idee! Üsi Jasscharte düe mir uf Wunsch o gärn individuell uf angeri Firme ahpasse. Schick üs es Mail u de mäude mir üs bi Dir!