Härzstück – dini Marke im Zäntrum
«Härzstück» isch üses nöie Dienschtleischtigs-Format für aui, wo intressiert sy am bärndütsche Dialäkt, ar Schtadt Bärn u Umgäbig. Mir setze dini Marke i ds Zäntrum.
Agebot
Beratig u Schtrategieentwicklig
Du wettisch dini Marke, dis Produkt oder dini Dienschtleischtig bewärbe, weisch aber no grad nid, wo afa? Mir berate di gärn u häufe dir, di optimali Marketingschtrategie für dis Ungernähme z entwickle.
Kreativi Inhäut
Mir konzipierte dini kreativi Wärbekampagne u setze di notwändige Inhäut für di um. Mir düe fiume, fötele, erschteue Grafike u chlyni Animatione u schrybe di passende Tegschtli, drmit dis Agebot die Ufmerksamkeit überchunt, wos verdient.
Social Media Management
We du d Social Media Kanäu vo dim Ungernähme lieber nid säuber wettisch mit Inhäut füettere, übernähme mir das gärn für di. Uf Wunsch chasch du üs o diräkt dr Kanau übergä u mir poste diräkt uf di Social Media Kanau.
Digitaus Marketing
Dass dr Content, wo dis Agebot zeigt, o bekannt u gseh wird, häufe mir dir bim digitale Marketing. Mir mache d Suechmaschineoptimierig (SEO) u setze d Kampagne uf.
Schuelige
Du hesch Luscht, säuber dini Inhäut z kreiere u z poste u bruchsch no e chlyni Schtarthiuf? Mir verzeue dir gärn ire Schuelig, uf was du chasch achte u mache di so schtartklar.
Intressiert?
Schryb üs es E-Mail u de mäude mir üs gärn mitem ne individuelle Agebot, zuegschnitte uf dini Bedürfnis u Vorschtellige. Mir fröie üs!
