YB-Rägeboge-Jasscharte

Informatione zum Spiu

Syt über 50 Jahr wird im Juni der Pride Month gfyret. «Pride» (uf Dütsch «Stolz») söu signalisiere, dass sech LGBTQIA+ Mönsche nid söue oder müesse schäme, so chönne z sy, wie si sy.

Im Rahme vom Pride Month isch di erschti limitierti Uflag vo üsne Rägeboge-Jasscharte entschtange. Üsi farbige Jasschärtli füehre mir itz i Zämearbeit mit em BSC YB wyter.

Der Juni steit für Stouz, Toleranz, Säubschtbewusstsy u d Viufaut vor Gseuschaft. Glychzytig wird im Juni gäge Kriminalisierig, Schtigmatisierig und Usgränzig kämpft. Mit däne Jasscharte erhoffe mir üs, dass Lüt zum Dänke aagregt wärde, wo vilech ke Zuegang zur LGBTQIA+ Community hei. ⁠🌈⁠

Verchouft wärde d Jasscharte für CHF 10.00 pro Charteset. Dervo spände mir jewius CHF 3.00 ah Queeramnesty Schweiz - än ehrenamtlechi Gruppe, wo sech für d Themegebiet Mönscherächt, sexuelli Orientierig und gschlächtlächer Identität ysetzt. D Gruppe isch Teil vo Amnesty Switzerland.

Fakte zum Spiu