Du hesch e Firma u suechsch ds passende Wärbe-, Chund:inne- oder Wiehnachtsgschänk? Üser Produkt düe mir gärn individuell uf dyni Wünsch aapasse. Egau, öb es Jass mit dym Logo druff oder ganz es individuells Brättschpili – mir hei sicher e passendi Idee für di parat.
Für individualisierti Produkt schtö verschideni Optione zur Verfüegig. Firmelogos chönnt me zum Bischpiu uf üsne Spiuverpackige u o uf de Spiucharte integriere. Zuesätzlech biete mir aa, üser Spiucharte nach dym eigete Firme CI/CD z gschtaute. Wyter beschteit d Müglechkeit, au üser Produkt oder o ganz es nöis Produkt mit emne völlig individuelle Design z bschteue.
Jasscharte BZ Pfleg
Leiterlischpiu Westside
Jasscharte BFH
Je nach Aafrag u Komplexität vom Design variiere üsi Pryse sehr starch. Grundsätzlech verrächne mir für d Produktion immer e fixe Stückprys. D Mindeschtbschteumängi betreit jewius 100 Stück, wüu chlyneri Uflage ir Produktion aube unproportionau tüür wärde. Individuelli Designs verrächne mir im Schtundeaasatz derzue. Mir steue dir uf Aafrag sehr gärn e individuelli Offerte zäme.
Verzeu üs dyni Idee u mir mache dir gärn e Vorschlag, wo für di passt.
Für au die Firme hei mir verschideni individualisierti Produkt dörfe umsetze:
