Glafer – 5 Spiu i eire Box!

Informatione zum Produkt

Weisch du, was «bypääpele» bedütet? Kennsch d Begriffe «Bejelitöff» oder «Hoschtet»? Faus nid, isch üsi nöji Schpiubox «Glafer» genau ds Richtige für di. U we dus weisch, de ersch rächt!

Für das Produkt hei mir mit em Günter Struchen zämegschpannt. Üses Ziiu isch gsy, es Spiu z kreiere, wo ds Bärndütsch-Vokabular erwyteret, Wörter i Erinnerig rüeft u vorauem eis: Spass macht! Us dere Idee isch nid nume eis Spiu entschtange, sondern füf – aues vereint ire Spiubox.

Egau ob Afänger:in oder Profi – di 200 Bärndütsch-Begriffscharte sy i drü Schwirigkeitsschtuefe ungerteilt. Das heisst, es isch für aui öppis derby.

Das sy di füf Spiu:

• Schnäu wi ds Bisiwätter
• Wär isch der gröscht Märlibär?
• Glychi Wörter angers darschteue
• Vertrousch am Erklärbär?
• Grüchte-Chuchi

Fakte zum Produkt