Keramik mit Bärndütsche Begriffe druffe – mir hei gfunge, ds isch öppis wo d Wäut brucht. Auso vilich nid di ganzi Wäut, aber ämu sicher Bärndütsch-Fans.
Di nöii Keramik-Kollektion zäme mit alma barru wird ds Portugal produziert – u zwar vor Bude «Ana Todo Bom Cerâmicas» ir Nechi vo Óbidos. Ds isch e Familiebetryb wo vo Froue gfüehrt wird u sit fasch 40 Jahr handgmachti Keramik härschteut. Mueter, Tante u Tochter düe Keramik im Giessverfahre produziere u aui Sache vo Hang bemale – so oh üsi nöii Kollektion. Drum gseht oh nid jedes Tassli u Täuer genau glych us.
Wieso mit alma barru?
D Julia u der Nelson hei alma barru fasch zytglich uf d Bei gschteut, wi mir Bärndütsch. Mir hei üs öppedie a Mässe oder Märite gseh u immer wieder chly plöiderlet. Di zwöi verchoufe syt öppe vier Jahr diversi Keramik-Kollektione u hei ä ängi familiäri Bindig zu Portugal ☕️🫖. Drum hei si oh gfunge, dass si ds portugisische Handwärk id Schwiz möchte bringe. Si kenne au di Budene wo ihri Keramik härschteue persönlech – ds isch öppis wo oh üs sehr wichtig isch u drum hei mir dänkt, mir wettä zäme ä Keramik-Kollektion usebringe.
Mäud di bim Newsletter a
© Bärndütsch GmbH
Designed by Kjoll
Die Website verwändet Cookies. Hie erfahrsch meh drüber!