Vom 1. Juli bis zum 29. Ougste 2026 eröffne mir zäme mit de zwo Bärner Labels «alma barru» u em «Günter Struchen» es Pop-up Lädeli ar Chramgass 62 in 3011 Bärn.
Zimlech genau füf Jahr isches här, wo mir während em ne Monet es Lädeli ir Grächtere hei gha. Dass mir ize zäme mit üsne Partner:inne pünktlech uf üses Firmejubiläum di Sach dörfe widerhole, fröit nis schampar.
🗓️ Juli u Ougschte 2026
📍 Chramgass 62, 3011 Bern
🔑 Mo bis Fr: 09:30 – 18:30, Sa: 09:30 – 17:00
Während däne zwe Mönet bringe mir drei Wäute unger eis Dach. Üsi Spili, Poschtcharte, Socke u Keramik träffe uf Büecher u Gschichte vom Outor Günter Struchen. Ds viusytige Sortimänt vo alma barru – mit handgmachte Produkt us Portugau – rundet das Ganze wunderbar ab. Du chasch di auso ufne bunti Mischig vo verschidene Produkt fröie.
