Pop-ups 2026

Pop-up Stäng 2026

O das Jahr wärde mir wider a paarne Märite u Pop-ups üsi Sache verchoufe. Der erscht Aalass isch scho am 8. März u für das Haubjahr hei mir Fougendes planet:

SHEboom! Festival 💜

Ds SHEboom! Festival isch e Aalass, wo am internationale Frouetag vo Froue für Froue veraaschtautet wird u das Jahr ds erschte Mau stattfingt. Näbscht es paarne Märitschtäng gits spannendi Vorträg u Poetry Slams. Meh Infos u Tickets fingsch hie.

8. März 2026
14:00 – 20:30 Uhr
Stufenbau, Ittigen

design.food.emmental 💐

Ds design.food.emmental isch e Märit für Design u Gnuss zmitts im Ämmitau u wird vo Schlaraffenland.ch düregfüehrt.

15. März 2026
09:00 – 18:00 Uhr
Restaurant Sternen, Zollbrück

BEA 🎡

Das Jahr sy mir zum erschte Mau zäme mit meh aus 700 Usschteuende mitem ne Stang ar BEA mit derby. U zwar wirsch üs ir zwöite Häufti vor BEA im Berych «BE Häppy» finge.

29. April bis 5. Mai 2026
09.00 bis 18.00 Uhr
BERNEXPO-Areal, Bern

Thuner Viufaut 🛍️

Mir fröie üs sehr, o ar dritte Usgab vor Thuner Viufaut mit derby z sy. S isch es Kultur- u Gnussfestival z Thun mit Märitstäng, Streetfood, Musig u Aagebot zum Mitmache.