bä-dü| de
Gänggele Das sy mir

Rägeboge-Jasscharte ❤️🧡💛💚💙💜

Zrügg zur Produkt-Übersicht
Wyter zum nächschte Produkt


Hingergrund

Ab em 1. Juni verchoufe mir aus Zeiche füre Pride Month e limitierti Uflag vo üsne Jasscharte i Rägebogefarbe. Syt über 50 Jahr wird im Juni der Pride Month gfyret. «Pride» (uf Dütsch «Stolz») söu signalisiere, dass sich LGBTQIA+ Mönsche nid söue schäme, so chönne ds sy, wie si si. Der Juni schteit für Schtouz, Toleranz, Säubschtbewusstsy u d Viufaut vor Gseuschaft. Glychzytig wird im Juni gäge Kriminalisierig, Schtigmatisierig und Usgränzig kämpft. Mit dene Jasscharte erhoffe mir üs, dass Lüt zum Dänke agregt wärde, wo vilich ke Zuegang zur LGBTQIA+ Community hei. ⁠🌈⁠

Verchouft wärde d Jasscharte für CHF 12.00 pro Charteset. Dervo schpände mir jewils CHF 3.00 ah Queeramnesty Schweiz - än ehrenamtlechi Gruppe wo sich zum Themegebiet Mönscherächt, sexuelli Orientierig und gschlächtlächer Identität ysetzt. D Gruppe isch Teil vo Amnesty Switzerland.


Härschteuig

D Jasscharte wärde vor Jordi AG in Bäup (BE) produziert. Di wiederverwändbare Verpackige produziert d Wallimann Druck und Verlag AG in Beromünschter (LU).

Byde Charte verwände mir ds Materiau «Balance Silk, Recycling, 100% weiss, 350g/m², FSC».

D Verpackige wärde usem ne wisse, wiederverwändbare Karton härgschteut. Ds Materiau heisst «Eco Chromo GD2, Recycling, 83,5% weiss, 250g/m², FSC». Vore druffe isch üses Logo u dr Produktname druckt u hinger d URL zu üsere Websyte.


Fakte zum Schpiu

Inhaut:36 Jasscharte + 1 Deckcharte
Persone:Je nach Jass-Art ungerschiedlech
Auter:Je nach Jass-Art ungerschiedlech






Drei Jasskarten Bärndütsch
Drei Jasskarten Bärndütsch
SDrei Jasskarten Bärndütsch