bä-dü| de
Gänggele Das sy mir

Bärner Märli-Memory

Es Memory, es Märli u e Entdeckigsreis mit füf Gschänkli


Zrügg zur Produkt-Übersicht
Wyter zum nächschte Produkt


Informatione zum Schpiu

Ds Bärner Märli-Memory isch i Zämearbeit mit dr wasabi feel GmbH entschtange. D Memorychärtli zeige 32 Ortschafte, bekannti Plätz oder Sehenswürdigkeite ir Gmeind Bärn. Uf jedere Charte isch der Schröini, o bekannt aus «Herr Zwahle», abbiudet. Är isch e rote Kater wo in Bärn umeschtrielet. Es Märli, wo passend zum Memory gschrybe isch, verzeut d Entdeckigsreis vom Schtröini dürd Schtadt Bärn.


Guetschyne

Im Memory sy näbscht em Märli füf Guetschyne verschteckt. Mit dene chame a füf Schtandort usem Memory es chlyses Gschänkli go abhole.


Partner:inne

Di fougende füf Firme hei e Guetschyn gschponseret u sy mitem ne Chärtli im Bärner Märli-Memory verträte.

Bernmobil
Gelateria di Berna
Gurten - Park im Grünen
Loeb AG
Parkcafé Elfenau


Härschteuig

Ds Bärner Märli-Memory wird vor Jordi AG in Bäup (BE) produziert. Kaschiert wärde d Chärtli in Konolfinge (BE), d Laminage wird in Schwadernau (BE) gmacht und gschnitte u zämetreit wirds när in Reinach (BL). O d Schpiualeitig wird vor Jordi AG härgschteut.

Au die Sache sy inere wiederverwändbare Verpackig verschtout. Die wärde bi Druckform in Toffe (BE) produziert u für die wird ds Materiau «Brut Muskat, Recycling, bräunlich, 440g/m2, FSC» verwändet.


Fakte zum Schpiu

Inhaut:32 Memorychärtli, 1 Märli, 5 Guetschyne, 1 Aleitig
Persone:2 - 4
Auter:3 +





Drei Memorykarten
Drei Memorykarten
Katze Memorykarten