Zrügg zur Produkt-Übersicht
Wyter zum nächschte Produkt
«Öbbis wo uf Bärndütsch u sicher o uf Basudütsch doch e bsundere Reiz het, das sy d Schimpfwörter.», het der Bärner Chansonnier Mani Matter im Jahr 1972 gseit. «I ha immer bsunders Fröid a dene, wüu mä nämlech nid so genau weiss, was si eigentlech heisse, aber so nachem Klang chame sech irgendöbbis vorschteue drunger. Zum Bischpiu Glünggi; das isch nid ds glyche wyne Sürmu. U mängisch isch eine eifach e schlichte Löu.»
Mit däm Zitat faht är sis Lied «E Löu, e blöde Siech, e Glünggi u ne Sürmu» ah. Oh mir sy begeistert vo bärndütsch Schimpfwörter u widme am «Löu», am «blöde Siech», am «Glünggi» u am «Sürmu» äs Charteschpiu. Ds Schpiu ungerschtützt ds Klischee, das Bärner:inne nid unsäute u oh ziemlich gärn mau flueche.
Ds Ziu vom Schpiu isch, am Schluss so weni Pünkt wi müglech ds ha. Aui Hangcharte wo me nach Schpiuschluss no uf dr Hang het, gäbe Minuspünkt. Der Löu git zum Bischpiu 20 – drum sött me dä so schnäu wi müglech loswärde.
Ufgrund vo verschiedene Rückmäudige hei mir d Schpiualeitig füre «Löu» ergänzt. Aui, wo ds Schpiu scho bi üs hei kouft, chöi hie di erwyterete Schpiuregle abelade.
D Lizänzrächt für d Verwändig vo de Begriff u Zitat vom Mani Matter hei mir im Vorfäud abklärt. D Verwändig isch rächtens und legau.
| Inhaut: | 120 Schpiucharte, 1 Aleitig |
| Persone: | 2 - 4 |
| Auter: | 8 + |